PLAJAS : dochas a Anglet
Augan, las ueit plajas susvelhadas d'Anglet que dispausaràn cadua de quate dochas accessiblas aus banhaires. Aquera remesa en servici que s'efectua dens un quadre rasonat e enquadrat dab un nombre limitat d'installacions, un dispositiu tecnic limitant las consomacions d'aiga, e ua sensibilizacion deus usatgèrs a la preservacion de la ressorsa.
Redaccion Gascon Mèdia
6/2/2026
Despuish lo prumèr de mai, las dochas que son operacionaus a Anglet sus la plaja de Marinella. Que s'agí de la prumèra de las ueit plajas beneficiant de la preséncia deus sauvaires costèrs. A partir deu 13 de junh, las dochas que seràn egaument en servici sus las plajas susvelhadas de la Cramba Petita d'Amor, deus Sables d'Aur, de la Madraga, deus Cavalèrs. Fin finau, autanlèu lo 6 de julhet, plaça a las plajas deus Corsaris, de l'Ocean e de la Barra.
Si la situacion favorabla de las capas freaticas hè possibla aquera remesa en servici parciau, la Vila d'Anglet que rapèra que la ressorsa en aiga ei preciosa e rèsta atentiva a l'evolucion de la situacion idrologica.
© 2026