MOBILIZACION entà la foncion publica

Com dens 170 vilas, a Baiona tanben aqueth dimars de las centenas de personas que son devaradas dens la carrèra entà deféner los servicis publics mentre que lo governament s'aprèsta a adoptar lo budget 2027, lo darrèr abans l'eleccion presidenciau de la prima vienenta. Ensenhaires, infirmièrs o pompièrs qu'an desfilat man dens la man entà afirmar que cau protegir la foncion publica.

Franck Dolosor

9/29/2026

Aqueth dimars a Baiona, 1 200 manifestants qu'an denonciat la degradacion de la qualitat de l'educacion e de la santat. Qu'an deplorat a l'unanimitat que lo tribalh pèrdia de la soa valor, qui los salariats sian en colèra pr'amor que lo lor poder de crompa baisha e qu'i aja, de faiçon generau, un sofriment gran.

« Qu'i a sovent tròp d'escolans dens las classas, e las èrsas de calor n'adoban pas arren. Dens los espitaus tanben, com la personau manca, los usatgèrs que pateishen en quauqua sòrta de maishants tractaments . Aqueth estiu, ueit mila personas que son mòrtas dens los espitaus en França . La polícia era medisha ne pòt pas mei garantir la securitat », qu'a lançat un deus participants de la manifestacion qui a aviat a Sent Esperit e acabat davant l'espitau de Baiona.