GRANA GUÈRRA : commemoracions drin pertot

Dètz milions de morts e vint milions de nafrats. Qu'ei lo triste bilanç de la Prumèra Guèrra mondiau. Baiona qu'avèva alavetz perdut 580 abitants. La màger part de las victimas qu'avèvan mensh de 30 ans. Un deus prumèrs abitants deu departament deus Baishs-Pirenèus a se morir au combat qu'ei Joseph Andrieu. Originari de Bidaishe, qu'avèva a pena 21 ans. 108 ans après la fin deus combats de las commemoracions que son previstas dens la màger part de las comunas.